Wasiliana nasi : chademadiaspora@gmail.com -Fair and Balanced Platform- Twitter @ChademaDiaspora

Wasiliana nasi : chademadiaspora@gmail.com -Fair and Balanced Platform- Twitter @ChademaDiaspora
----------------------WE THANK AND APPRECIATE YOU FOR VISITING CHADEMA DIASPORA BLOG. AGAIN, THANK YOU!-----------------------

Monday, January 12, 2015

Kiporo cha Muhongo sasa siku ya 21

Siku tatu zilizoahidiwa na Rais Jakaya Kikwete, za kumuweka kiporo Waziri wa Nishati na Madini, Prof. Sospeter Muhongo, ili kuruhusu uchunguzi dhidi yake ufanyike, kabla ya kuchukuliwa hatua, zimepita na sasa zimefika siku 22, huku kinachoendelea kuhusiana na suala hilo kikibaki kuwa kitendawili. Uchunguzi dhidi ya Prof. Muhongo unafanyika kufuatia kuhusishwa katika kashfa ya kampuni ya kufua umeme ya Independent Power Tanzania Limited (IPTL) ya uchotwaji wa Sh. bilioni 300 kifisadi katika akaunti ya Tegeta Escrow, iliyokuwa Benki Kuu ya Tanzania (BoT). Kuhusika kwa Prof. Muhongo katika kashfa hiyo, kulibainishwa na Kamati ya Kudumu ya Bunge ya Hesabu za Serikali (PAC) kupitia taarifa yake iliyowasilishwa na Mwenyekiti wa PAC, Zitto Kabwe, bungeni Novemba 26, mwaka jana. Kufuatia taarifa hiyo ya PAC, Bunge kwa kauli moja lilipitisha maazimio nane, moja likiitaka mamlaka ya uteuzi kutengua uteuzi wa viongozi kadhaa wa serikali, akiwamo Prof. Muhongo. Wengine ambao Bunge liliazimia wawajibishwe kutokana na kuhusishwa katika kashfa hiyo, ni Bodi ya Wakurugenzi wa Shirika la Umeme Tanzania (Tanesco), Katibu Mkuu wa Wizara hiyo, Eliakim Maswi na aliyekuwa Waziri wa Ardhi, Nyumba na Maendeleo ya Makazi, Prof. Anna Tibaijuka.
 
Hata hivyo, Desemba 22, mwaka huu, Rais Kikwete akilihutubia taifa kupitia wazee wa Mkoa wa Dar es Salaam alisema amemuweka kiporo Prof. Muhongo kwa siku mbili hadi tatu kwa kuwa kuna uchunguzi dhidi yake alioagiza ufanyike. Rais Kikwete alisema iwapo angepata majibu ndani ya siku hizo, angefanya uamuzi dhidi ya Prof. Muhongo. Alisema miongoni mwa vyombo vya serikali ambavyo wakati huo vilikuwa vikiendelea na uchunguzi dhidi ya Prof. Muhongo, ni pamoja na Tume ya Maadili ya Viongozi wa Umma kwa ajili ya kupata maamuzi kwa misingi ya haki. Hata hivyo, tangu wakati huo, kufikia leo zimekwishapita siku 22 bila Rais Kikwete kutangaza hatma ya Prof. Muhongo kama anatimuliwa au kubaki katika nafasi yake serikalini, huku giza nene likigubika suala hilo. Hali hiyo inachangiwa pia na ukimya na kigugumizi kizito cha kushindwa kuzungumzia suala hilo, ambacho kimeisibu Ikulu, tangu siku zilizoahidiwa na Rais Kikwete kulishughulikia kupita na kuzidi kuongezeka.
 

CHADEMA wamtaka Magufuli asiwabague wananchi Chato

Chama Cha Demokrasia na Maendeleo (CHADEMA), kimemtaka Mbunge wa Chato (CCM), Dk. John Magufuli (pichani), kuacha kuwabagua wananchi wa jimbo hilo kutokana na kuwachagua wenyeweviti na wajumbe wa CHADEMA kupitia UKAWA katika uchaguzi wa serikali za mitaa uliofanyika Desemba 14, mwaka jana. CHADEMA walitoa tahadhari hiyo baada ya Dk. Magufuli ambaye pia ni Waziri wa Ujenzi, hivi karibuni kudai atapeleka fedha za Mfuko wa Jimbo katika vijiji na vitongoji walivyoshinda wagombea wa CCM pekee. Katibu Mwenezi wa CHADEMA wilayani hapa, Alex Mukama, alisema kutokana na kauli hiyo ya Dk. Magufuli, inaonyesha wazi jinsi asivyofaa kuendelea kuaminiwa na wananchi kwa kuwa anapingana kwa makusudi na Katiba ya Jamhuri ya Muungano wa Tanzania inayomtaka kiongozi kujiepusha na ubaguzi wa rangi, itikadi za kisiasa, kidini na kijinsia.
 
Mwenyekiti wa Kambi ya Upinzani ya Madiwani wa Halmashauri ya Wilaya ya Chato, Crispin Kagoma, aliwashukuru wananchi hao kwa kudhihirisha wameichoka CCM. Katika hatua nyingine, Chadema imewaonya wenyeviti wa vijiji na vitongoji kupitia chama hicho kutokubaliana na maamuzi ya serikali ya kuwasumbua wananchi kwa michango ambayo haijapitia kwenye mikutano mikuu ya vijiji na kudhaminiwa na wananchi wenyewe. Mwenyekiti wa kijiji cha Mkuyuni, Anacret Lwegoshora (CHADEMA), alisema baadhi ya viongozi wa serikali kwa kushirikiana na viongozi wa CCM, wamekuwa wakiwashinikiza wananchi kuchangia michango pasipo 

IPPMEDIA/NIPASHE

Tuesday, January 6, 2015

CCM, CUF walianzisha

         Utata mpya umeibuka kuhusu matokeo ya Uchaguzi wa Serikali za Mitaa baada ya wagombea watatu waliotangazwa washindi kuwekwa kando ikidaiwa kuwa badala yake walioshindwa waliapishwa kuchukua nafasi zao, hali iliyozua vurugu kubwa zilizotulizwa na polisi kwa mabomu ya machozi Ubungo jana. Kutokana na hali hiyo, wafuasi wa CUF wanaodai wagombea wa chama chao ndiyo walioshinda, waliibuka na kutanda nje ya Hoteli ya Landmark kupinga kuapishwa kwa baadhi ya wenyeviti wa Serikali za Mitaa wa CCM katika Wilaya ya Kinondoni, hatua iliyosababisha baadhi ya wagombea na mashabiki kushushiwa kipigo hadi polisi walipoingilia kati kwa kurusha mabomu ya machozi na risasi za moto kuwatawanya. Vurugu hizo zilizodumu kuanzia saa tatu hadi saa tano asubuhi, zililenga kuzuia wateule watatu wa mitaa ya Ukwamani, Pakacha na King’ong’o kuapishwa kwa madai kuwa siyo walioshinda.
Kwa upande mwingine, aliyekuwa mgombea wa Mtaa wa Msisiri, Juma Mbena alivamia eneo hilo akidai kuwa Gasper Chambembe (CUF), ambaye alishinda katika mtaa huo hakustahili kuapishwa, kitendo kilichosababisha ashushiwe kipigo na wafuasi wa CUF. Licha ya Mbena kupigwa na kuchaniwa nguo, pia Sultan Jetta (CCM) ambaye alitangazwa kushinda katika Mtaa wa Ukwamani, Kawe alizuiwa na wafuasi wa CUF kuapishwa, wakidai kuwa mgombea wao, Nasri Mohammed Mashaka ndiye aliyestahili kuapishwa. Alipogoma, walimkamata na kumshushia kipigo hadi alipookolewa na polisi. Baadaye Jetta alirudishwa ukumbini chini ya ulinzi wa polisi na kuapishwa pamoja na wenyeviti wenzake 153 kati ya 191 wa Wilaya ya Kinondoni. Aliyekuwa mgombea wa Mtaa wa Pakacha Kata ya Tandale, Hussein Juma Mpeka (CUF) alidai kuwa licha ya uchaguzi huo kuvurugika, alipewa barua ya kuitwa kuapishwa lakini baada ya kufika eneo hilo alikataliwa kuingia ukumbini, badala yake aliyeruhusiwa ni Nassib Omary Kalenga wa CCM.
Hali ilivyokuwa

Kafulila: Nina bomu zito la Escrow


Mbunge wa Kigoma Kusini (NCCR-Mageuzi), David Kafulila, amesema kwamba analo bomu lingine kuhusu sakata ya uchotwaji wa zaidi ya Sh. bilioni 300 katika akaunti ya Tegeta Escrow. Mbunge huyo amesema bomu hilo likilipuka litaitikisa serikali na vigogo waliohusika katika kashfa hiyo, akiwamo Waziri wa Nishati na Madini, Profesa Sospeter Muhongo. Kafulila amesema kutokana na hali hiyo, wanaojaribu kumtetea Profesa Muhongo na wengine, ambao Bunge liliazimia wawajibishwe kwa kwa kuhusika na uchotwaji wa fedha hizo, wanajidanganya kwa kuamini kuwa wamenusurika na yaliyozungumzwa bungeni. Amesema anao ushahidi zaidi ya ule unaothibitisha tuhuma zinazowakabili wahusika hao. Aliyasema hayo alipokuwa akihutubia mkutano wa hadhara uliofanyika katika bonde la Uyole na kuhudhuriwa na maelfu ya wakazi wa Jiji la Mbeya juzi jioni.

Kafulila alisema uchunguzi uliofanywa na Taasisi ya Kuzuia na Kupambana (Takukuru) na Mdhibiti na Mkaguzi Mkuu wa Hesabu za Serikali (CAG) uliotumiwa na Kamati ya Kudumu ya Bunge ya Hesabu za Serikali (PAC) kuandaa ripoti iliyowasilishwa bungeni, pamoja na kugusa maeneo mengi, bado kuna ushahidi wa ziada alionao, ambao akiutoa, unaweza kuwa na athari mbaya zaidi kwa watuhumiwa na serikali pia. Alisema wanaojaribu kuwatetea watuhumiwa hao, hasa Profesa Muhongo, hawajui wanalolifanya kwa kuwa kutokana na ushahidi uliopo, hata waziri huyo alipopewa nafasi ya kujitetea bungeni, alishindwa. “Profesa Muhongo alipewa muda wa zaidi ya saa moja bungeni ili ajitetee, alishindwa kuthibitisha kuwa hahusiki na uchotwaji wa fedha za Escrow, muda aliopewa Muhongo hata Waziri Mkuu Lowassa hakupewa. Napenda kuwahakikishieni kuwa ushahidi wa ziada ninao, hivyo hata wakimlinda, haiwasaidii kwa sababu tukifika bungeni tutawabana kwenye kona mpaka wamuondoe hata kama hawapendi,” alisema Kafulila.

Alisema anazo nyaraka zaidi ya 600 zinazoonyesha namna ambavyo fedha za Tegeta Escrow zilivyochotwa, huku baadhi ya nyaraka hizo zikiwa ni muhimu, ambazo CAG wala Takukuru hawakuzipata kwenye uchunguzi wao. Kafulila alisema suala la kuwawajibisha Profesa Muhongo na watuhumiwa wenzake, ni maridhiano baina ya wabunge wa Chama Cha Mapinduzi (CCM) na Umoja wa Katiba ya Wananchi (Ukawa) kutokana na wabunge wa CCM, ambao kimsingi ndiyo wengi ndani ya Bunge kuonekana hawana nia ya dhati ya kuwawajibisha. Alisema kutokana na ushahidi waliokuwa nao, ilibidi wabunge kuweka pembeni uzito wa hoja na badala yake kwenda kwenye kamati ya maridhiano ili kuona namna ya kumaliza suala hilo.

Kafulila alisema katika maridhiano hayo, wapo baadhi ya watuhumiwa ambao licha ya ushahidi kuonyesha wanahusika na pia kuzidiwa kwa hoja, walipaswa kuwajibishwa. Lakini akasema walikubaliana kwenye kamati ya maridhiano kutowawajibisha ili kutoiangusha serikali. Aliwataja waliosamehewa na Bunge kuwa wasiwajibishwe ni Waziri Mkuu, Mizengo Pinda na wengine, ambao hakutaka kuwataja jukwaani. Alisema watuhumiwa ambao Bunge liliazimia wawajibishwe ni pamoja na Waziri wa Ardhi, Nyumba na Maendeleo ya Makazi, Profesa Anna Tibaijuka, Waziri wa Nishati na Madini, Profesa Sospeter Muhongo, Katibu Mkuu wa Wizara hiyo, Eliakim Maswi na Naibu Waziri wa wizara hiyo, ambao ni lazima wawajibishwe kutokana na maridhiano ya Bunge kupitia kwenye Kamati ya Maridhiano.

Mahakama yashindwa kutoa uamuzi kesi ya Mdee


Mahakama ya Hakimu Mkazi Kisutu jijini Dar es Salaam imeahirisha kutoa uamuzi wa ombi la kufutiwa shtaka la pili katika kesi kutotii amri halali ya Jeshi la Polisi a na kufanya mikusanyiko isivyo halali kwa lengo la kwenda Ikulu inayomkabili Mbunge wa Kawe, Halima Mdee na wenzake wanane wafuasi wa chama hicho. Mbali na Mdee, washtakiwa wengine ni Rose Moshi (45), Renina Peter, Anna Linjewile (48), Mwanne Kassim (32), Sophia Fangel (28), Edward Julius (25), Martha Mtiko (27) na Beatu Mmari (35).

Hakimu Kaluyenda alisema kesi hiyo ilitakiwa kutolewa uamuzi mdogo juu ya ombi la wakili wa utetezi, Peter Kibatala, ambaye aliiomba mahakama kufuta shtaka la pili kwamba washtakiwa hao walikusanyika kwa lengo la kutaka kwenda Ofisi ya Rais Jakaya huku akidai shtaka hilo lina mapungufu kisheria,kwani halikuainisha vifungu vya kisheria. Hata hivyo, upande wa mashtaka ulidai kuwa hakuna madhara yoyote endapo vifungu hivyo havikuanishwa.  Hakimu Kaluyenda alihairisha kesi hiyo hadi Januari 13, mwaka huu kutokana na kutokamilisha  utoaji wa uamuzi wa ombi la wakili Kibatala.

IPPMEDIA/Nipashe

Friday, January 2, 2015

Nzigilwa: Yes, I accepted escrow cash and this is why

Auxiliary Bishop of Dar es Salaam Eusebius Nzigilwa yesterday finally spoke out on the money he received from the owner of VIP Engineering and Marketing Limited, Mr James Rugemalira, saying the cash was an offering for the church he leads. Bishop Nzigilwa and Bukoba Diocese Auxiliary Bishop Methodius Kilaini received Sh40 million and Sh80 million, respectively, from Mr Rugemalira, a former minority shareholder in Independent Power Tanzania Limited (IPTL). The money was transferred to the bishops’ accounts at the Mkombozi Commercial Bank, which is operated by the Catholic Church. Yesterday, the bishop, who last week promised he would in due course clarify the matter, yesterday said the money was offered and accepted in good faith.
He said Mr Rugemalira is a Catholic who has been supporting and participating in various church development  projects. The businessman, he explained, was among worshippers who have been dearly supporting the church. “The church comprises the Holy Spirit and is run courtesy of various offerings from worshippers. Now when a worshipper gives an offertory to the church, that is a very normal practice,” argued Bishop Nzigilwa. The church supremo said he knew Mr Rugemalira from as far back as 2008, when he (the reverend) was posted to Makongo Juu Roman Catholic Parish, noting that the businessman was a resident in the area, and attended Sunday services at the Virgin Mary Parish.
He revealed that the Makongo Juu Parish had a project to construct houses for priests and that Mr Rugemalira and other members of the congregation participated fully in the implementation of the project. “I can say that he was one of the most generous contributors to the construction of priests’ houses at Makongo Juu’s Virgin Mary Parish,” he said. He added that since then, the man remained a good and close friend, even after he (the reverend) was appointed auxiliary bishop. “He also remained a good worshipper and an associate of mine even after I was relocated from Makongo Juu Virgin Mary Parish,” said Bishop Nzigilwa. Elaborating on the deposit of the money, Bishop Nzigilwa said that on February 27, 2014, Mr Rugemalira called him and asked for his Mkombozi Commercial Bank account number so that he can give his offertory to the church.