Wasiliana nasi : chademadiaspora@gmail.com -Fair and Balanced Platform- Twitter @ChademaDiaspora

Wasiliana nasi : chademadiaspora@gmail.com -Fair and Balanced Platform- Twitter @ChademaDiaspora
----------------------WE THANK AND APPRECIATE YOU FOR VISITING CHADEMA DIASPORA BLOG. AGAIN, THANK YOU!-----------------------

Thursday, February 26, 2015

VIDEO: Samuel Sitta: Wa- Zanzibar wa Oman watapindua nchi

Akihojiwa na Voice of America Mh. Sitta amesema hawatatoa uraia pacha kwa sababu waZanzibar wa Oman watapindua nchi. Ameendelea kwa kusema waZanzibar hawa ni kundi zito ambao wanataka kupindua nchi. Endelea kwa kusikiliza video hapo chini

Wednesday, February 25, 2015

BREAKING NEWS: FIRM CONFIRMED: ISMAIL JUSSA IN WASHINGTON D.C., FEB 28, 2015


Ismail Jussa (Muwakilishi wa Stone, Town, Zanzibar) kupitia chama cha CUF na mjumbe wa UKAWA atakuwepo Washington, D.C. (DMV) kuongea na waTanzania Jumamosi February 28, 2015 kuanzia saa 10 jioni hadi mbili usiku (4pm-8pm). Zingatia muda

Agenda;
Mchakato wote wa Katiba mpya
Ufafanuzi juu ya muundo wa serikali tatu
Uamuzi wa UKAWA kususia mchakato huo dhalimu 
Kwa nini Diaspora walitengwa kutoa maoni na uraia pacha
Maswali na majibu bila kikomo



Address: TABEER HALL 
1401 UNIVERSITY BLVD, HYATTSVILLE, MD

CHADEMA WAANIKA UVUNDO WA BVR; MCHEZO WA NEC, CCM NA SERIKALI‏

Mwenyekiti wa Chama cha Demokrasia na Maendeleo (CHADEMA), Freeman Mbowe ameibua tuhuma nzito dhidi ya Serikali ya Chama Cha Mapinduzi (CCM) na Tume ya Taifa ya Uchaguzi (NEC), akisema kuwa wamekaidi ushauri wa kitaalam uliowazuia wasitumie mfumo mpya wa Biometric Voter Registration (BVR) katika uandikishaji wa Daftari la Kudumu la Wapigakura.

Mbowe amedai kuwa baada ya kuona zoezi la kuandikisha wapiga kura haliendi kama ilivyotakiwa, NEC walimtafuta mshauri mwelekezi aitwae Darrell Geusz, mtaalam wa masuala ya BVR kutoka Marekani ambaye baada ya kufanyia utafiti ‘hali’ ya Tanzania kuhusu mfumo huo mpya, aliwaambia wakilazimisha wanaweza kusababisha machafuko ya kisiasa nchini.

Kwa mujibu wa Mbowe, mtaalam huyo katika ripoti yake aliyoitoa mwezi Januari mwaka huu, aliiambia NEC kuwa kwa sasa Tanzania haiwezi kuandikisha wapiga kura kwa mfumo wa BVR kwa sababu ya ukosefu wa fedha, vifaa, utaalam na muda kwani mfumo huo ili uweze kufanya kazi inayotakiwa unahitaji maandalizi ya takriban mwaka mmoja.

Mwenyekiti huyo wa CHADEMA ambaye pia ni Kiongozi wa Kambi ya Upinzani Bungeni, ameyasema hayo jijini Mbeya wakati alipohutubia matukio mawili tofauti, akiwa katika ziara yake ya siku nne katika mikoa ya Kanda (ya CHADEMA) ya Nyanda za Juu Kusini yenye mikoa ya Mbeya, Njombe, Iringa, Ruvuma na Rukwa.

Mapema asubuhi Mwenyekiti Mbowe alihutubia wakati akifungua kikao cha Baraza la Uongozi wa CHADEMA Kanda ya Nyanda za Juu Kusini kisha baadae jioni akahutubia mkutano wa hadhara kwenye Uwanja wa Dk. Slaa mjini Mbeya. “Mshauri huyo mwelekezi ambaye ni mtaalam wa masuala ya BVR kutoka Marekani, amewahi kuisaidia nchi ya Bangladesh ambako waliandikisha wapiga kura milioni 80, aliwaambia NEC kuwa Tanzania hatuwezi kuendesha hili zoezi kwa sasa, hatuna vifaa, hatuna wataalam, hakuna muda wa kutosha, hatuna wataalam, hatuna maandalizi, akawatahadharisha wakilazimisha wanaweza kusababisha machafuko.

“Lakini katika hali ambayo haijulikani, wakiendeleza ukaidi kwa ajili ya kutaka kuibeba CCM, NEC inaonekana kutaka kuendesha zoezi hili bila kuzingatia ushauri wowote wa kitaalam wala kushirikisha wadau ambao ni vyama vya siasa wala haitaki kutoa taarifa za kutosha kwa wananchi ambao ndiyo wapiga kura wenyewe. “NEC imekuwa ikiendesha suala hili kwa usiri usiri sana, taarifa zao wanapoamua kutoa zimekuwa za kusua sua sana, kwa kushtukiza. Tumekuwa tukidai ushirikishwaji wa kina wa shughuli na mfumo huu bila mafanikio. Tumeomba sana kupata nyaraka ili tuelewe, lakini hawataki. Wanafanya siri kubwa.

“Sasa nasi kwa sababu tunazo njia mbalimbali za kupata taarifa, tumezipata nyaraka ambazo hawataki wadau kwa maana ya vyama vya siasa tuzione. Kwanza tumepata nyaraka ambayo inaonesha kuwa wakati walikuwa wanasema hawana kitu cha kutupatia ili tuelewe mfumo huu wa BVR, wao labda na CCM yao tangu 2013 walikuwa tayari wanajua kitakachofanyika. “Lakini pia tumefanikiwa kupata nyaraka nyingine hii hapa. Hawa jamaa wa NEC baada ya kuzidiwa wakaamua kutafuta mshauri mtaalam kutoka Marekani ambaye anasifika duniani, yaani katika masuala ya BVR ni authority, ameandika ripoti yake yenye kurasa 16, amewapatia hadi ushauri wa tahadhari ya madhara ya kiusalama jamaa wa NEC na Serikali ya CCM hawataki kusikia,” amesema Mbowe.

Mbowe ameongeza kusema kuwa wakati mshauri huyo mtaalam wa BVR akiwatahadharisha NEC kuhusu muda, tume imeendelea kusema kuwa zoezi hilo litafanyika na kufanikiwa kwa kipindi cha ndani ya miezi miwili, jambo ambalo Mwenyekiti wa CHADEMA amesema kuwa serikali inacheza na ‘roho ya amani katika nchi’. Alisema kuwa mazingira yanayoendelea nchini Tanzania katika suala la mchakato wa hatua mbalimbali za uchaguzi mkuu wa mwaka huu, yanatengeneza hali ya kutokuaminiana miongoni mwa wadau, akisema kuwa hali hii husababisha uchakachuaji na katika nchi zingine imesababisha machafuko ya kisiasa.

NEC na ubabaishaji katika ratiba

Monday, February 23, 2015

TUMAINI MAKENE: YANAYOJIRI NJOMBE - BVR

PRESS BRIEFING;
CHAMA CHA DEMOKRASIA NA MAENDELEO -CHADEMA

YANAYOJIRI NJOMBE - BVR

1. Ikiwa zoezi la uandikishaji limeanza leo tarehe 23 Feb na likitarajiwa kuzinduliwa rasmi kesho tarehe 24 Feb na Waziri Mkuu Pinda, Naibu Katibu wa CHADEMA upande wa Tanganyika ameanza Operesheni R2R BVR ambapo asubuhi mpaka mchana alikuwa katika Mji wa Makambako akipitia mitaani pamoja na msafara wa viongozi wa chama hicho ngazi mbalimbali kuhamasisha wananchi kujiandikisha.

Aidha, Operesheni hiyo imehusisha kukagua utaratibu wa uboreshaji kwa kutumia BVR kwenye vituo mbalimbali ambapo imebainika kwamba udhaifu uliokuwepo wakati wa majaribio na mwingine mpya umebainika katika sehemu kubwa ya vituo vilivyotembelewa.

Baada ya kubaini udhaifu huo Mnyika na timu ya maafisa wa CHADEMA iliyoweka kambi katika mkoa wa Njombe ikihusisha wataalamu wa TEHAMA (ICT) wamekutana na Mkurugenzi wa NEC Mallaba na kueleza kuhusu udhaifu huo.

Mfano katika kituo cha Malombwe mpaka saa 6 mchana mashine zilikuwa hazifanyi kazi. Hali kama hiyo imejitokeza katika kituo kituo cha Liamkena ambapo uandikishaji ni taratibu kwa kiwango mpaka saa 4 waliandikishwa watu watano tu.

2. Aidha, pamekuwepo na tatizo la watu wenye mikono yenye vidole sugu kutokana na kufanya kazi ngumu mashine kugoma kuwatambua na hivyo kukataliwa kujiandikisha.

Hali kama hiyo imejitokeza mfano katika kituo cha Sigfrid, Malombwe na vituo mbalimbali. Kufuatia hali hiyo ambapo Operesheni R2R BVR iliamua kutembelea vituo zaidi na kubaini kwamba vipo ambapo mashine hazikuwa zikifanya kazi kabisa mathalani Lumumba.

Kwa ujumla katika vituo vingi ukiondoa matatizo ya mashine upo pia udhaifu wa waandikishaji na waendeshaji wa vifaa vya BVR (Kit Operators) ambao wanashindwa kutumia mashine hizo na walipohojiwa baadhi walikiri kwamba wamepewa mafunzo siku moja kabla ya kuanza uandikishaji huku wakiwa hawajawahi kutumia kompyuta wala kuwa na ujuzi wa ICT.

Wapo waandikishaji ambao walionyesha kutokuwa na ufahamu wa upigaji picha na hivyo kufanya zoezi kwenda taratibu na pia kupiga picha zinazoonekana vibaya.

Kasi ndogo ya uandikishaji huku siku zikiwa saba na kwa kituo inaashiria bayana kwamba wapo wananchi ambapo mwishowe watakosa fursa ya kujiandikisha.

Operesheni R2R BVR imebaini mpaka sasa kuwa pamoja na kutumia alama za vidole mfumo umeacha mianya mpiga kura kujiandikisha zaidi ya mara moja katika vituo tofauti tofauti kwa kuwa hakuna mawasiliano ya kimfumo kati ya kituo kimoja na kingine.

Mfumo unategemea kwamba taarifa zikitumwa kanzidata kuu (central databank) ya tume ndiyo itakayochambua wakati ambapo hakutakuwa na mawakala katika hatua hiyo kuthibitisha uondoaji wa wapiga kura waliojiandikisha zaidi ya mara moja kwa kuzingatia kwamba katika kipindi cha uhakiki wa daftari la awali napo hakuna mwingiliano baina ya daftari la eneo kwa eneo wakati wa ukaguzi.

Aidha, CHADEMA imeweka mawakala katika vituo vyote lakini wanapata vikwazo vya namna vya kudhibiti uchakachuaji katika hatua ya usafirishaji wa takwimu ambapo mifumo miwili inatumika kwa wakati mmoja; wa kutumia simu na ule wa kuhamisha kwa kutumia kifaa cha kuhifadhi taarifa (flash drive) bila uhakiki wa mawakala.

Operesheni R2R BVR katika mazingira hayo haitaishia tu kuwa na mawakala kwenye vituo bali kukagua mfumo mzima.

4. Naibu Katibu Mkuu Mnyika ametaka Waziri Mkuu Mizengo Pinda katika uzinduzi wa BVR Makambako tarehe 24 Feb aeleze namna Serikali ilivyoiwezesha tume kushughulikia udhaifu huo kwa kuzingatia kwamba mabilioni yametumika kwenye zabuni ambayo imeleta vifaa vibofu hali inahitaji uchunguzi kufanyika kubaini iwapo hali hiyo imetokana na ufisadi au imefanywa makusudi kuachia mianya ya uchakachuaji katika uchaguzi.

Mara baada ufuatiliaji huo jioni ya leo patafanyika Mkutano wa uzinduzi wa Operesheni R2R BVR jukwaani katika Jimbo la Njombe Kusini na kesho kutwa tarehe 25 Operesheni R2R inahamia wilaya ya Wang'ing'ombe kwenda kuhamasisha wananchi kujiandaa kujiandikisha.

Tumaini Makene

Mkuu wa Idara ya Habari na Mawasiliano -CHADEMA

Kigogo CCM Arusha ajiunga Chadema

        Mjumbe wa Halmashauri Kuu ya CCM na Kamati ya Siasa Mkoa wa Arusha, Francis Ikayo, amejiunga na Chama Cha Demokrasia na Maendeleo (Chadema). Mwanasiasa huyo aliyekuwa mmoja wa wana CCM waliowania uteuzi wa kuwania ubunge Jimbo la Longido mwaka 2010 na kuangushwa na Mbunge wa sasa Lekelu Laizer, alijiunga Chadema jana, akitaja sababu kuu tatu zilizomfanya kuchukua uamuzi huo.  Akizungumza kwenye mkutano wa hadhara uliofanyika eneo la Namanga, mpakani mwa Kenya na Tanzania, muda mfupi baada ya kukabidhiwa kadi ya Chadema na Mbunge wa Arusha Mjini, Godbless Lema, Ikayo alisema amevutiwa na mikakati ya chama hicho  ya kutetea haki za wanyonge. “Nina sababu kuu tatu za kuhamia Chadema. Mosi ni kwa sababu chama hiki kimejipambanua kuwa watetezi wa wanyonge, pili kuna uhuru na demokrasia ya kila mtu mwenye uwezo kugombea bila kuwekewa mizengwe na tatu kinapiga vita rushwa, ufisadi na matumizi mabaya ya mali na fedha za umma,” alisema Ikayo.
 
Wazee watatu kutoka jamii ya wafugaji wa Kimasai anakotoka Ikayo, Lekishoo Loodo, Moi Lesingo na Laidinga Nangoro, walimkabidhi rungu na usinga mwanachama huyo mpya wa Chadema, ikiwa ni ishara ya kukabidhiwa majukumu ya Kiuongozi. Akihutubia mkutano huo, Ikayo aliitaka jamii ya wafugaji kuamka na kuacha kuwa mtaji wa ushindi wa CCM nyakati za uchaguzi, kwa kile alichoeleza chama hicho kimewatelekeza kwa kuruhusu maeneo ya malisho kuvamiwa, huku wafugaji wakilazimika kuhangaika na mifugo yao kutafuta malisho. Kwa upande wake, Lema aliwataka watu wote wenye umri na sifa za kujiandikisha kujitokeza kwa wingi kujiandikisha kwenye Daftari la Wapiga Kura, ili kupata fursa ya kupiga kura kwenye uchaguzi mkuu baadaye mwaka huu. Kwa upande wake, Mbunge wa Arumeru Magharibi, Jashua Nassari aliwaomba wachungaji, maaskofu na masheikh kote nchini, kuacha kupokea fedha haramu zinazotokana na wizi wa fedha na mali za umma zinazotolewa makanisani na misikitini na wasaka madaraka.

Nipashe
 

Pinda ammwagia sifa Peter Msigwa

        Waziri Mkuu Mizengo Pinda amemwagia sifa mbunge wa Iringa Mjini (Chadema), Mchungaji Peter Msigwa, akisema amekuwa kiongozi wa kwanza kuchangia vitanda 30 katika Hospitali ya Frelimo iliyopo Halmashauri ya Manispaa ya Iringa. Mchungaji Msigwa alimiminiwa pongezi hizo jana mchana wakati Waziri Pinda alipotembelea hospitali hiyo na kufanya ukaguzi katika maeneo mbalimbali. Kauli hiyo ya Pinda, ambaye ni mjumbe wa Kamati Kuu ya CCM, kupongeza utendaji kazi mzuri wa viongozi wanaotoka vyama vya upinzani ni nadra sana kutolewa na viongozi wa chama hicho tawala. Februari 10 mwaka huu Rais Jakaya Kikwete pia alimpongeza meya wa Manispaa ya Moshi (Chadema), Jaffar Michael kwa kile alichosema ni kusimamia vizuri na kutekeleza  Ilani ya CCM katika kuwaletea wananchi maendeleo.
“Nakupongeza kwa jitihada ulizozionyesha. Kitendo ulichokifanya kinatakiwa kuigwa na wadau wengine kwa sababu hospitali hii ina changamoto nyingi, “alisema Pinda. Pinda alitaja changamoto hiyo kuwa ni kukosekana kwa vifaa vya upasuaji na hivyo kulazimika kuazima kutoka Hospitali ya Rufaa ya Mkoa wa Iringa, na kutokuwa na eneo maalumu la kufua nguo na kulazimika kwenda hospitali hiyo ya rufaa. Awali mganga mkuu wa manispaa hiyo Alexander Meya alisema Frelimo haina jengo la uchunguzi, utakasaji vyombo, sehemu ya kufulia nguo, chumba cha kuhifadhia maiti,  gari la kubeba wagonjwa wala  vifaa tiba. Akijibu suala hilo, Waziri Pinda alisema  kila kata inatakiwa iwe na kituo cha afya na kwamba bila manispaa husika kujua changamoto inazoikabili itaendelea kukumbwa na changamoto nyingi katika sekta ya afya. Katika hatua nyingine, Pinda ameutaka uongozi wa Mkoa wa Iringa uangalie uwezekano wa kuanzisha halmashauri mpya.

Saturday, February 21, 2015

CHADEMA Mbeya muda huu, itifaki ya ulinzi imezingatiwa

Ni mh.Mbowe, Msigwa, Mwalimu, Silinde wakiongozwa na Mh. Mbilinyi "Sugu"



CHADEMA kufuta nafasi za Ukuu wa Wilaya


Naibu katibu Mkuu CHADEMA (Zanzibar) Mh. Salum Mwalimu akihojiwa na Star TV amesema CHADEMA itafuta nafasi za Ukuu wa Wilaya kwani hazina majukumu ya kiutendaji na nigharama kwa wananchi zisizo na lazima. 

Akiendelea kuongea na Star TV amekanusha kuwa kuna mgogoro ndani ya UKAWA juu ya mgombea wa Urais; na UKAWA haija vunja vyama, vyama vipo pale pale,  bali kila chama kina wajibu wa kuendelea kujijenga na kuimarika kama chama ili kila mmoja aweze kuwa mshirika imara na mwenye nguvu kwenye UKAWA.

Pia Mh. Mwalimu ameelezea kuhusu ziara ya Mwenyekiti wa CHADEMA Taifa, Freeman Mbowe, kanda ya Nyanda za Juu Kusini kuwa inalenga kuwahimiza waTanzania kujiandikisha kwenye daftari la kudumu la wapiga kura; na kuimarisha uongozi wa CHADEMA katika ngazi ya Kanda. CHADEMA inalenga kuzipa kanda mamlaka na nguvu zaidi kwenye kuamua mambo ndani ya kanda zenyewe. 

Mwisho ametoa rambirambi kwa katibu Mkuu wa CCM, Abrahaman Kinana, kwa msiba mkubwa wa Mh. Salmin Awadhi na wananchi wote wa jimbo la Magomeni kwa kuondokewa na Mwakilishi wao.