Mbowe awasha moto Kalenga

   MWENYEKITI wa Chama cha Demokrasia na Maendeleo (CHADEMA), Freeman Mbowe, amesema hawako tayari Tume ya Taifa ya Uchaguzi (NEC) itumie daftari la wapiga kura Jimbo la Kalenga lililochakachuliwa wakidai kwamba  limefanyiwa marekebisho mwaka 2014. Akizungumza katika mkutano wa hadhara uliofanyika kwenye viwanja vya Mwembetogwa mjini Iringa, Mbowe alisema kama NEC watatumia daftari hilo watakuwa wamesababisha vurugu na hawatakuwa tayari.

        “CHADEMA hatuko tayari kutumia daftari la wapiga kura la Jimbo la Kalenga lililofanyiwa marekebisho mwaka 2014… kama watalitumia kitanuka maana hatutakubali,” alisema. Msimamo wa CHADEMA ni kwamba litumike daftari la wapiga kura la kudumu la mwaka 2010 ambalo halina marekebisho yoyote kwa kuwa watu waliokufa eneo husika wanawafahamu.

Mloswe D./Tanzania Daima