"Kama Hakuna Damu Isiyofaa Kwa Ukombozi, Basi Sisi ni Wamoja" - Mawazo, Mkutano wa CDM Arusha leo

Leo Chadema Arusha walikuwa na mkutano mkubwa wa shukurani kwa wakazi wa Arusha kwa kuifanya Chadema iibuke mshindi kwa kunyakua Kata zote nne zilizoshindaniwa katika uchaguzi uliofanyika mwezi jana ukiambatana na matukio ya mauaji ya watu wanne kwa shambulio la bomu. Miongoni mwa wahutubiajai ambao walikuwa kivutio sana kwa maelfu ya watu waliojitokeza katika viwanja vya Shule ya msingi Ngarenaro kuhudhuria mkutano huo ni Kamanda Alphonce Mawazo...

Akiongea huku anashangiliwa sana, alisema hivi "Kuna damu ya watoto wadogo, miaka 14 na chini ya hapo. Kuna damu ya wanawake, wababa, wakristu, waislamu, vikongwe na watu wa rika zote. Wapo waliokufa wapo majeruhi lakini yote kwa yote hii ni damu ya watanzania wachache iliyomwagika kwa niaba ya wengi. Hakuna damu chafu na safi linapokuja kwenye swala la ukombozi. Wanaosema Chadema ni ya kabila fulani au dini fulani wameaibika.

Tumekufa wote kwasababu tunagandamizwa wote na CCM. Kadiri tunavyopigwa ndivyo tunavyopendana, kushikamana na hata kufiana..."

Kamanda Mawazo akihutubia jioni ya leo Jijini Arusha

Kina Lema wakiwasili viwanjani hapo na kupokelewa kwa shangwe.. Ulinzi uliimarishwa sana, haikuwa rahisi kuwakaribia viongozi

Madiwani wapya walipoitwa kusalimia umma

Source: KanjaPlanter (August 2013). "Kama Hakuna Damu Isiyofaa Kwa Ukombozi, Basi Sisi ni Wamoja" - Mawazo, Mkutano wa CDM Arusha leo. Retrieved from Jamii Forums